SACILINIUM vel SACLINIUM vulgo SECLIN

SACILINIUM, vel SACLINIUM, vulgo SECLIN

locus Brabantiae, caput olim Medenantensis pagi, ad fluv. Scaldim, Collegio Canonicorum et S. Piatonis Martyris reliquiis, ut vulgo creditur, nobilis: Vicus Sacilinius Audoeno in vita S. Eligii l. 2. c. 7. ubi sic habet: Simili modô, grandi labore et instantiâ invenit in territorio Medenaniense, vico Sacilinio S. Martyrem Pitatonem, cui clavos prolixos ex corpore ablatos, populis in argumentum monstravit: corpus, sicut Martyrem decuit, eleganter composuit, ac Mausoleum urbane desuper fabricavit.